Google ADS

Sigal Prishtina lideri i Superligës

22:32 | 2 Prill 2023
Orgesa Haziri

Sigal Prishtina ka shënuar fitore edhe në ndeshjen e fundit, duke e mposhtur Ponte Prizrenin 71:109.

Sigal Prishtina e nisi takimin më mirë dhe e fitoi çerekun e parë bindshëm 20:39, kurse i dyti ishte më i barabartë, duke përfunduar 23:19, ndërsa skuadrat shkuan në pushim me shifrat 43:58.

Bardhekaltrit nuk u ndalën në pjesën e dytë, duke ngritur epërsinë dhe triumfuan bindshëm 71:109.

Adam Grant ishte më i dalluari te prizrenasit me 21 pikë, kurse te prishtinasit u dallua Both Gach me 22 pikë, nëntë kërcime e tetë asistime.

Ponte Prizreni përfundon në vendin e shtatë me tetë fitore e 20 humbje dhe në “Play-out” do të përballet me Bora-n, ndërsa Sigal Prishtina përfundon garat e rregullta me 22 fitore e gjashtë humbje dhe si lider i Superligës ka siguruar plasmanin në gjysmëfinale të “Play-off”-it./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm